മാല്യങ്കരയിലെ ഒരു പ്രധാന കലാലയത്തിന്റെ വാര്ഷിക ഔദ്യോഗിക മാഗസിനിലെ 'നടത്തപ്പെടാത്ത' സര്വ്വേയാണിത്.'മദ്യം കൈ കൊണ്ട് തൊടരുത്,കുടിക്കരുത്,കൊടുക്കരുത്' എന്ന് കേരള സമൂഹത്തെ ഉത്ബോധിപ്പിച്ച സമൂഹിക പരിഷ്കര്ത്താവ് ശ്രീ നാരായണഗുരുവിന്റെ ദര്ശനത്തിലൂന്നി പ്രവര്ത്തിക്കുന്ന കലാലയത്തിലാണ് ഇത്തരം ഉള്ളടക്കത്തോടെ ഒരു മാഗസിന് ഇറങ്ങിയത് എന്നത് നമ്മുടെ സമൂഹവും ക്യാമ്പസും എത്രത്തോളം അധപ്പതിച്ചിരിക്കുന്നു എന്നതിനെ മകുടോദാഹരണമാണ്.
മദ്യാസക്തിക്കും സമൂഹികജീര്ണ്ണതക്കുമെതിരെ ശക്തമായ പ്രചരണവുമായി മുമ്പോട്ട് പോകുന്ന ഒരു പ്രസ്ഥാനമെന്ന നിലക്ക് എസ് എഫ് ഐ ക്ക് കുറ്റകരമായ മൌനം പാലിക്കാന് കഴിയില്ല.സമാധാനത്തിന്റെ പാതയില് ബന്ധപ്പെട്ടവരെ എസ് എഫ് ഐ പ്രതിക്ഷേധം അറിയിച്ചുകഴിഞ്ഞു.
വന്നുപോയ ഗുരുതരമായ വീഴ്ച്ച തിരുത്തി മാഗസിന് വിതരണം ചെയ്യാനുള്ള നടപടി സ്വീകരിച്ചില്ലെങ്കില് പൊതുജന ശ്രദ്ധ ആകര്ഷിക്കുന്ന തരത്തില് ശക്തമായ സമരപരിപാടികളുമായി എസ് എഫ് ഐ മുന്നോട്ട് പോകും എന്ന് ഇതിനാല് താക്കീത് നല്കുന്നു.
അടിക്കുറിപ്പ്:
ഈ മാഗസിനു പിന്നില് പ്രവര്ത്തിച്ച വിദ്യാര്ത്ഥികളെ എസ് എഫ് ഐ അനുമോദിക്കുന്നു.കാരണം കുറെ നാളത്തെ ഇടവേളക്ക് ശേഷം ആണ് ഈ മാഗസിന് ഇറങ്ങിയത്.മുന്പരിചമില്ലാത്തതിനാല് അതില് വീഴ്ചകള് സ്വാഭാവികം.ജനാധിപത്യതെരെഞ്ഞെടുപ്പില്ലാതെ ഉണ്ടാക്കിയ മാഗസിന് കമ്മറ്റിയില് വിദ്യാര്ഥിസംഘടനക്ക് ഇടപെടുവാന് സാധിച്ചിട്ടും ഇല്ല.അതു കൊണ്ട് തന്നെ വീഴ്ച്ച വന്നത് മാഗസിന് പ്രവര്ത്തനത്തിനു മേല്നോട്ടം വഹിച്ച അധ്യാപകവൃന്ദത്തിന്റെ ഭാഗത്തുനിന്നാണ് എന്ന് എസ് എഫ് ഐ മനസ്സിലാക്കുന്നു.
No comments:
Post a Comment